أدفع كام ........؟؟؟

بابا اجيلك وادفع كام ؟
وابقى معاك وانسى الأحلام
هنا كترت على عيني دموعها
انا معرفتش حتى أنام
عمالة الروح تخرج مني
وتسافر تحت الأنقاض
واسمع صوت الناس بتنادي
وف قلبي صراخهم فياض
مكتوم نفسي عشان بتخيل
نفسي مكانهم جبر وقسر 
مين ينقذهم ويمدلهم إيد النصر
أنفاس مش لاقيه هواها
مش بتموت ولا حاسة حياتها
الموت أكبر امنيتها
ممنوع ميه تبل ارياقها
الميه بتجري ف إيدنا
وعطشهم جرح يزودنا
يمكن آخر أحلام ليهم
نقطة ميه يارب تعيدنا
أنا تعبانة أوي ومخنوووقة
بتقلب في النوم على جمر
جوايا السكاكين مرشوقة
وبعد الملايين بقو صفر
بستغرب بسأل حيرانة
بقى حبة ناس خايفة جبانة
يعملو ع الدنيا ولاد نسر؟!
راح النوم من ايامي
واهي خلصت كل أحلامي
واتبخر مني كلامي
مليون حرف بيتردد
ويطير في الهوا ادامي
ولا قادر امسك كلمة
ولا أكمل فيكو ملامي
ولا عارفة يا والدي اعبر
واللي داوشني نفسو حايشني
والمتلازمة تعبت أفكر <><><><><><><>