كل اللي بيزنا خيوط ....

رسموا اللي مش عندك في إيدك
وقالوا عندو من الورود يادي الهنا
حسدوك على اللي ما دقتهوش
واتخيلوا اللي ما عيشتهوش
ولا جربوش كدب الوشوش
وقالوا روح ربي يزيدك
وانت هناك شوكك نبات
والمر هو اللي اتجنى
ولا يعرفوش ضحك الوشوش
فوق الخدوش 
كدبة فصول كل السنة
لو كانوا واربو في البيبان
وشافوا مضداغ اللبان
 كان وشو بان ليهم ضنا
لو كانوا كشفوا م الستار
طرف الليالي المجروحين
أو صبح قهرو الإنتظار
لو شافوا قلبك في الدمار
كام ألف تعقيدة جبين كام انهيار
وكام عنين ضاقت في خط الإنكسار
وقلوب تقول الله يعينك
كل اللي بيزنا خيوط 
ألوان حنوط زخرف بيوت 
دهشة أصيل منظر جميل
عمرو ما كان هو الدليل
إن اللي بكاهم حزين
أو راح مضحكهم كيوت
إن الألم بين الكلام
أو مستخبي في السكوت 
إن اللي ماشي بينا عايش
أو اللي مات لازم يموت